Lokal storeslem i vårens våteste eventyr

Fitjarløparane gjorde seg bemerka i årets utgåve av Parkløpet på Stord

2. april var det ein flott gjeng frå friidrettsgruppa som trossa regnver og stilte med godt mot til Parkløpet på Stord. Løpet gjekk i flott terreng rundt golfbanen på Stord. Det var eit sugande føre, bløtt og regntungt, men det lot ikkje løparane seg affisera av.

Tori Torbjørnsen var med i rekruttklassen, og var veldig nøgd med eigen insats. Medalje er alltid stas.

I årsklassen gutar 2005 hadde me med to lokale løparar, dei kom like godt på dei to første plassane. Andreas Auestad på fyrsteplass og Marius Kongestøl Vik på andre vitnar om at det gror godt i friidrettsgruppa.

I jenter 2004 stilte me berre med Linnea Vestbøstad. Ho gjorde som proffane, kom rett før start, løp og vann suverent sin klasse.

I 2003-klassen kom og alle løparane våre på pallen. Clara Wohlrab på 2. plass, Ingvild De Fine på 3. plass i jenteklassen, medan Marius Torbjørnsen og tok det lågaste trinnet på premiepallen.

Flott arrangement som vanleg av friidrettsgruppa til Stord IL, der Nils Hetleflot hadde god kontroll på igongsetjing av alle løpa, og Runar Øvrebø med full kontroll på resultata etterkvart.