Velkomen til den 45. Fitjardalten!

Søndag 18. oktober inviterer Fitjar IL til den 45. utgåva av Fitjardalten. Bli med på ein dag med løpsglede, innsats og fellesskap i Fitjar!

Det tradisjonsrike sentrumsløpet samlar små og store til ein aktiv haustdag. Kanskje har du eit mål om ny personleg rekord, eller ønskjer du å utfordra deg sjølv og oppleva den gode stemninga saman med andre?

Hovudløpet er på 6,3 kilometer, medan dei yngste kan få kjenna på løpsgleda i Minidalten på 600 meter. Det vert også arrangert turmarsj med start frå kl. 11.00.

Arrangementet har utgangspunkt ved Fitjar kultur- og idrettsbygg. For dei som ikkje har meldt seg på digitalt, opnar påmeldinga i kulturhuset kl. 10.00 søndag.

Ta med familie, vener og treningskameratar – som deltakarar eller som heiagjeng langs løypa. Publikum er med på å skapa den gode stemninga!

Påmelding og praktisk informasjon:Meld deg på Fitjardalten her.

Du kan også skanna QR-koden på plakaten for å opna løpssida og gå vidare til påmelding.

Velkomen til den 45. Fitjardalten – vi håpar å sjå deg!