Midtfjellet halvmaraton

Laurdag 18. juni inviterer Fitjar IL til det første Midtfjellet halvmaraton og løpet "5419 Fitjar".

Me håpar at mange stiller opp ved Olstjødno denne dagen, der det blir flotte løyper på grusveg i nydelig fjellområde med fantatisk utsikt over øyriket Fitjar.

Kl 14.00 går startskotet for både halvmaraton og 5419 Fitjar, og det blir ein hard opning opp bakkane mot Kinnavatnet, Midtvatnet og vidare forbi mølle B6, B10 og B14. Når ein kjem ned i krysset mot B15, deler løypene seg, og dei sprekaste set kursen mot Landasåto, medan resten tek til venstre og bakkane ned att til Olstjødno. 

Det blir òg ei kort løype for dei minste, der ein kan få testa orienteringsgruppa sine brikkar og stempla på postar undervegs i den merka løypa. Etter målgang får ein lesa av brikken for å sjekka kor lang tid ein har brukt, og eventuelt springa fleire gonger for å prøva å få betre tid.

Meir informasjon finn du på https://www.facebook.com/midtfjelletdagen/ og på denne sida. Her er òg lenkje til påmelding for både halvmaraton og 5419 Fitjar.